Íslandsmót unglinga í Badminton

7.mars sl. héldu 25 krakkar frá Tennis og Badmintonfélagi Siglufjarðar til Reykjavíkur á Íslandsmót unglinga sem var haldið í TBR húsinu.badminton

Sólrún Anna Ingvarsdóttir og Sirrý Ása Guðmannsdóttir Lönduðu 2. sæti í tvíliðaleik glæsilegur árangur hjá þeim.

Á Laugardagskvöldinu var svo öllum keppendum boðið í pizzur og bingó og bar öllum saman um að ferðin hefði heppnast ótrúlega vel.

sjá nánar á
http://www.siglo.is/is/frettir/islandsmot-unglinga-i-badminton

Umsóknarfrestur um styrki í Fræðslu- og verkefnasjóð UMFÍ til 1. apríl

umfi2-300x277Umsóknarfrestur til að sækja um styrki úr Fræðslu- og verkefnasjóði Ungmennafélags Íslands er til 1. apríl. Umsóknum skal skilað rafrænt á þar til gerðum umsóknareyðublöðum sem er að finna inn á heimasíðu UMFÍ www.umfi.is undir styrkir.

Tilgangur sjóðsins er m.a.að styrkja félags- og íþróttastarf ungmennafélagshreyfingarinnar með því að auka menntun og þekkingu félaga innan hreyfingarinnar á íþróttagreinum, þjálfun, í félagsmálum og félagsstarfi. Rétt til styrkveitingar úr sjóðnum eiga allir félagar í ungmennafélögum sem eru virkir í starfi og hafa uppáskrift síns félags eða sambands til að afla sér aukinnar þekkingar á sínu sérsviði sem gæti nýst viðkomandi félagi, sambandi og ungmennafélagshreyfingunni í heild.

Einnig eiga stjórn og nefndir UMFÍ, héraðssambönd, ungmennafélög og deildir innan þeirra rétt á að sækja um styrk úr sjóðnum. Sjóðsstjórn er heimilt að veita styrki úr sjóðnum að eigin frumkvæði til verkefna sem ekki teljast til árlega verkefna hreyfingarinnar. Nánari upplýsingar um sjóðinn er annars að finna undir styrkir á heimasíðu UMFÍ.